रा. बक्सिङ च्याम्पियनसिपमा रुहिय्यह स्कूलका ३ खेलाडी

दिल्लीमा हुने राष्ट्रिय बक्सिङ च्याम्पियनसिपमा रुहिय्यह स्कूलका ३ जना खेलाडीहरुले सहभागिता जनाउने प्राचार्य आकाश थापाले जानकारी गराएका छन्। यस खबरलाई पहाडको लागि गौरवको विषय बताउँदै उनले यसको निम्ति दार्जीलिङका बक्सिङ कोच महेन्द्र थापाप्रति आभार व्यक्त गरेका छन्।
भर्खरै सम्पन्न दुई दिवसीय अन्तर आईसीएसई स्कूल स्टेट सव-जुनियर बक्सिङ च्याम्पियनसिपमा स्वर्ण पदक विजेता खेलाडीको रुपमा रुहिय्यह स्कूलका ३ जना बक्सरहरुले राष्ट्रिय च्याम्पियसिपको लागि दिल्ली जाने जानकारी पाइएको छ।
दार्जीलिङको क्यापिटल टाउन हलमामा भएको उक्त खेलमा ८ वटा आईसीएसई स्कूलका ३८ जना खेलाडीहरुले भाग लिएका थिए।