गोर्खा राष्ट्रिय मुक्ति मोर्चाले आफ्ना संगठनात्मक गतिविधिहरूलाई थप सशक्त बनाउनेक्रममा दार्जीलिङ सदर क्षेत्रअन्तर्गत तीन समष्टिको संगठनात्मक समिति गठन गरेको छ। गोरामुमो दार्जीलिङ ब्राञ्च कमिटीको आयोजनामा सम्पन्न उक्त सभामा ब्राञ्च कमिटी अध्यक्ष एम. जी. सुब्बाको अध्यक्षतामा सम्पन्न भयो। व्यापक छलफलपछि नयाँ समष्टि समितिका पदाधिकारीहरू सर्वसम्मत रूपमा चयन गरिएका छन्।
समष्टि अध्यक्ष पदमा पुरण राई चयन भएका छन् भने उपाध्यक्षमा गनु थामी, सचिवमा दिपेन मुखिया, सहसचिवमा अमर तामाङ, प्रमुख सल्लाहकारमा राजेन शर्मा र वाई लामा चयन भएका छन्। नवगठित समितिलाई अध्यक्ष सुब्बाले श्रद्धा लगाएर बधाई तथा शुभकामना व्यक्त गरे। उनले पार्टीको सिद्धान्त र अनुशासनमा रही संगठन विस्तार र समष्टि स्तरमा प्रभावकारी गतिविधि सञ्चालन गर्न आग्रह गरे। नयाँ नेतृत्वको चयनसँगै संगठनले क्षेत्रीय रूपमा अझ सुदृढ र सक्रिय बन्ने अपेक्षा गरिएको छ।
अमेरिकामा बेचिएका धेरै आइफोन भारत निर्मित
Paru Dewan
August 2, 2025
