होम डाँडाको शिवालयमा जलार्पण गर्नेहरूको भीड

श्रावण महिनाको प्रथम सोमबार मिरिक झीलको उत्तर दिशामा रहेको होम डाँडा स्थित सार्वजनिक शिवालयमा प्रथम सोमबार भएकोले विहानदेखि नै शिवलिङ्गमा जल अर्पण गर्ने भक्तहरूको अत्याधिक भीड लागेको देखियो। शिवालयका गुरूजी पण्डित चितरञ्जन तिवारीले विहान विधिवत रूपमा पुजा अर्चना गरेपछि भक्तहरूका लागि शिवालयको द्वार खल्ला गरेका थिए। यसक्रममा मन्दिर व्यवस्थापन समितिका अध्यक्ष दीपक गिरी, सचिव मनोज खडका, कोषाध्यक्ष दीपक चामलिङ, कार्यकारिणी सदस्यहरू दिलीप परियार, राजु प्रधान, किश्मत छेत्री अनि रोमन प्रधान लगायत स्वयं सेवकहरू भत्कहरूलाई कुनै प्रकारको असुविधा नहोस् भन्ने उद्धेश्यले मन्दिर परिसरमा तैनाथ रहेका थिए।