ब्याटमिन्टन खेलाडीहरूलाई प्रोत्साहन गर्ने उद्देश्यका साथ दार्जीलिङ गोर्खा हिल्स ब्याटमिन्टन एसोसिएसनको बृहत् आयोजना र मिरिक ब्याटमिन्टन क्लबको सहभागितामा ब्याटमिन्टन ट्यालेन्ट हन्टको सफल आयोजना भएको छ। क्षेत्रभरिका करिब ४० जना युवा खेलाडीहरूले यस प्रतियोगितामा सहभागिता जनाएका थिए, जसमा मिरिकका विभिन्न विद्यालयका विद्यार्थीहरूको उत्साहजनक उपस्थिति थियो। खेलको सभापतित्व मिरिक ब्याडमिन्टन क्लबका अध्यक्ष मणि राईले गरेका थिए। कार्यक्रममा डीजीएचबीएका अध्यक्ष यवन थापा, महासचिव शिशिर मोक्तान लगायत अन्य कार्यकारी सदस्यहरूको उपस्थिति थियो। खेलको निरीक्षण मिरिक ब्याट मिन्टन क्लबका वरिष्ठ सदस्यहरू दीप तामाङ, अविनाश ठकुरी, सरु विशाल गुरुङ, महेश राई, बिरेन तामाङ र ज्ञानेश गुरुङले गरेका थिए। यसरी नै निर्णायक मण्डलमा अस्मित राई, अनिकेत राई र प्रतीक तामाङ थिए। खेलमा छानिएका खेलाडीहरूको नाम दार्जीलिङ गोर्खा हिल्स ब्याडमिन्टन एसोसिएसनको पदाधिकारीहरूले सुरक्षित राखेका छन्। जो आगामी एक-दुई दिनभित्र सार्वजनिक गरिने जानकारी दिइएको छ।

खरसाङ, (निसं)ः खरसाङ फुटबल एसोसिएशनको सदस्यहरू सामेल एउटा टोलीले कालेबुङ्को देवाञ्जन शेर फुटबल एकादमीद्वारा आयोजित कार्यक्रममा अंशग्रहण गरेको छ। भारतीय महिला फुटबल टीमका मुख्य प्रशिक्षक क्रिस्पिन छेत्री अनि भारतीय महिला