डा. मुनिश तामाङको जनसम्पर्क अभियान मिरिकमा

गत दार्जिलिङ लोकसभा आसनका प्रार्थी एवं प्रा. डा. मुनिश तामाङ शनिबार जनसम्पर्क अभियान अन्तर्गत मिरिक आइपुगे। तामाङले शुरूमा मिरिकमा प्रत्येक शनिबार लाग्ने मिरिक गोर्खा रैथाने हाटको दृश्यावोलकन गर्दै यहाँका ब्यापारीहरूसित भलाकुसारी गरे। तिनले मिरिक गोर्खा रैथाने हाटको प्रशंसा गर्दै हाटमा राखिएको सामग्रीहरूदेखि आफू प्रभावित बनेको बताए। भ्रमणको अवधि डाक्टर मुनिश तामाङले सबैलाई भेट्न, सबैको हाल बुझ्न वृद्ध, बरिष्ठ ,युवा, विद्यार्थी, श्रमिक, ब्यवसायी, किसान, कामगार सबैसित बात गर्न, सबैको कुरा सुन्न गाउँ घर आएको बताए। उनले चुनाउको समय आफु कति जनता समक्ष पुग्न नसकेको बताउँदै चुनाउमा पराजित भए पनि प्रत्येक जनताको घरमा पुग्न चाहेको बताए। यसै ले जनसम्पर्क अभियान अन्तर्गत आफु जनताको नगीच पुगिरहेको बताए।