“२५औं राष्ट्रिय माछा किसान दिवस २०२५” को अवसरमा, सिक्किम सरकारको मत्स्य विभागले बिहीबार टाशिलिङ सचिवालयस्थित राष्ट्रिय सूचना विज्ञान केन्द्र (एनआईसी) हलमा ‘मत्स्यपालन क्षेत्रमा प्रविधि, पारिस्थितिकी र आर्थिक वृद्धिलाई अँगाल्ने’ विषयमा एक दिने राज्यस्तरीय वेबिनार आयोजना गरेको थियो। कृषि, पशुपालन तथा पशु चिकित्सा सेवा, मत्स्यपालन तथा बागवानी विभाग मन्त्री पुरन कुमार गुरुङले २५औं राष्ट्रिय माछा किसान दिवस २०२५ को अवसरमा मत्स्यपालन क्षेत्रलाई वधाइ दिंदै एक भीडीयो प्रस्तुति साझा गरेका थिए। उनले मत्स्यपालन क्षेत्र अन्तर्गत सिक्किमको पहिलो राज्य योजना, मुख्यमन्त्री मत्स्य उत्पादन योजना घोषणा गरेकोमा मुख्यमन्त्री प्रेमसिंह तामाङप्रति मन्त्री गुरुङले कृतज्ञता व्यक्त गरेका थिए।
