पश्‍चिम बंगाल दलित बन्धु कल्याण एवं विकास बोर्ड अध्यक्षको खरसाङ भ्रमण

खरसाङ, 12 जुलाई (निसं): पश्‍चिम बंगाल दलित बन्धु कल्याण एवं विकास बोर्डका अध्यक्ष प्रदीप वाँसफोरले खरसाङको भ्रमण गरेका छन्। खरसाङको भ्रमण अघि तिनले दार्जीलिङको भ्रमण गरेर दार्जीलिङ नगरपालिका अध्यक्ष दिपेन ठकुरीसित एउटा बैठक गरेको जानकारी प्राप्त भएको छ। खरसाङमा वाँसफोरलाई खरसाङ नगरपालिका प्रशासनिक बोर्डका अध्यक्ष ब्रिगेन गुरुङ, उपाध्यक्ष सुवास प्रधान, पश्‍चिम बंगाल दलित बन्धु कल्याण एवं विकास बोर्डका दार्जीलिङ जिल्ला कार्यवाहक अध्यक्ष शंकर राउतले स्वागत जनाएका थिए। अध्यक्ष वाँसफरको साथमा पछौटो वर्ग कल्याण विभाग जीटीएका अधिकारीहरू सरजीत बालमिकी, सुवास हेला अऩि सामदेन डुक्पा पनि उपस्थित थिए। प्राप्त जानकारी अनुसार अध्यक्ष वाँसफोरले खरसाङ भ्रमणको अवधिमा खरसाङ नगरपालिका अध्यक्ष, उपाध्यक्ष, जीटीएका अधिकारी अनि विभिन्न संघ-संस्थाका प्रतिनिधिहरूसित दलित अनि पछौटेवर्गका मानिसहरूको समस्या, तिनीहरूले सरकारबाट प्राप्त गर्ने विभिन्न सहुलियत र लागु गरिएका विभिन्न परियोजनाहरूको बारेमा चर्चा गरेका छन्। वाँसफोरलाई खरसाङ नगरपालिका कार्यालयमा खदा लगाएर नगरपालिका अध्यक्ष, उपाध्यक्ष, विभिन्न संघ-संस्थाका प्रतिनिधिहरूले स्वागत अनि सम्मान जनाएका थिए।